რა არის საკრედიტო ბარათი?
ეს არის ბარათი, რომელზეც დაიშვება ბანკის მიერ განსაზღვრული საკრედიტო ლიმიტი. საკრედიტო ბარათის საშუალებით თქვენ შეგიძლიათ ისარგებლოთ საბანკო კრედიტით, პროდუქციისა და მომსახურების შეძენისას, ასევე ბანკსა თუ ბანკომატში თანხის განაღდებისას. ამასთან, შეგეძლებათ ათვისებული თანხა ნაწილ-ნაწილ, დროის გარკვეულ მონაკვეთებში დაფაროთ.
|
რა არის საკრედიტო ლიმიტი?
ბანკი წინასწარ განსაზღვრავს თქვენს საკრედიტო ლიმიტს, რომლის ფარგლებშიც შეგიძლიათ თანხის ათვისება. ლიმიტი განახლდება იმ თანხით, რა თანხითაც ფარავთ კრედიტს.
|
რა არის საკრედიტო ბარათის ამონაწერი?
ეს არის დოკუმენტი იმის შესახებ, თუ რა თანხა გაქვთ დასაფარი გადახდის თარიღისათვის, რა ოპერაციები ჩატარდა თქვენს ბარათზე და რა საპროცენტო განაკვეთი (ასეთის არსებობის შემთხვევაში) დაგერიცხათ კრედიტით სარგებლობისთვის. საკრედიტო ბარათის ამონაწერი ფორმდება დაანგარიშების თარიღებში.
|
რა არის დაანგარიშების თარიღი?
დაანგარიშების თარიღი თვის წინასწარ განსაზღვრული რიცხვია, რომელიც თითოეული მომხმარებლისთვის ინდივიდუალურად განისაზღვრება და რომელშიც დარიცხული პროცენტის, მინიმალური გადასახადის და სრული დავალიანების დაანგარიშება წარმოებს.
|
რა არის გადახდის თარიღი?
გადახდის თარიღი დაანგარიშების თარიღიდან მე-10 დღეა. სავალდებულო მინიმალური გადასახადი ამ თარიღამდე უნდა დაიფაროს. თანხის გადახდა შეგიძლიათ სრულად ან ნაწილობრივ. იმ შემთხვევაში, თუ გადახდის თარიღი არასამუშაო დღეა, გთხოვთ, მინიმალური გადასახადი დაფაროთ გადახდის თარიღის წინა სამუშაო დღის დასრულებამდე.
|
რა არის მინიმალური გადასახადი?
ეს არის მინიმალური თანხა, რომელიც უნდა დაიფაროს არაუგვიანეს გადახდის თარიღისა. მინიმალური გადასახადი მოიცავს:
1) ათვისებული კრედიტის 10%-ს;
2) დარიცხულ პროცენტს;
3) საკომისიოს /ან დარიცხულ ჯარიმას (ასეთის არსებობის შემთხვევაში);
4) კრედიტის ლიმიტის გადაჭარბებით დახარჯულ თანხას (ასეთის არსებობის შემთხვევაში).
|
რა არის საშეღავათო პერიოდი?
ეს არის დაანგარიშების თარიღებს შორის 1 თვიანი პერიოდი. იმ შემთხვევაში, თუ დაანგარიშების თარიღამდე დავალიანება სრულად დაფარეთ, კრედიტზე პროცენტი არ დაგერიცხებათ.
|
როგორ იანგარიშება საპროცენტო განაკვეთი?
კრედიტის ათვისებიდან უახლოვესი დაანგარიშების თარიღამდე დავალიანების სრულად დაფარვის შემთხვევაში, პროცენტი არ დაგერიცხებათ. თუ გადახდის თარიღისათვის მხოლოდ მინიმალურ გადასახადს გადაიხდით, მაშინ თქვენს ბარათს პროცენტი ბანკში არსებული საპროცენტო განაკვეთების შესაბამისად დაერიცხება, რომელიც კრედიტით სარგებლობის ფაქტიური დღეების შესაბამისად იანგარიშება.
|
როგორ მივიღო ამონაწერი და ინფორმაცია მინიმალური გადასახადის შესახებ?
საკრედიტო ბარათის ამონაწერის მიღება შეგიძლიათ როგორც ინტერნეტ ბანკით, ისე “საქართველოს ბანკის“ ნებისმიერ სერვის ცენტრში.
მინიმალური გადასახადის შესახებ ინფორმაციას მიიღებთ:
|
როგორ შეიძლება დავფარო ბარათზე არსებული საკრედიტო დავალიანება?
- სერვის ცენტრში თანხის შემოტანით;
- ინტერნეტ ბანკის საშუალებით;
- სხვა ბანკიდან თანხის გადმორიცხვით.
|